雖然話「二次元」越黎越盛行，大家對於Cosplay等二次元活動亦唔會感到陌生，但相信有唔少人對於Cosplay嘅觀感仍然係「奇裝異服」。事實上唔少日本美女都係靠Cosplay出名，然後先轉戰寫真進入所謂嘅「主流」，證明佢哋無論著咩衫都係一樣咁吸引。好似今晚要介紹呢位「小倉あずさ」咁，就係一個好例子啦。

現年22歲嘅「小倉あずさ」出生於日本福岡。熱愛Cosplay嘅佢曾經一邊於秋葉原女僕Cafe中工作，一邊參與各大Cosplay活動及攝影會，後來因為Cosplay遊戲《碧藍幻想》中十二神將之一嘅「シャトラ」而一舉成名——值得一提嘅係十二神將以十二生肖為藍本，而「シャトラ」代表嘅係牛、造型亦係一個身穿乳牛裝嘅巨乳少女，某程度上都話咗你知「小倉あずさ」嘅最大賣點喺邊。

於Cosplay界累積人氣之後，「小倉あずさ」近年先後參加「Miss Magazine 2024」及「Mis FLASH 2025」兩大雜誌寫真選美比賽，雖然兩次參賽都無獎攞，但就已經足以為佢打開寫真界嘅大門，近來仲獲另一著名雜誌《週刊Young Jump》邀約拍攝寫真。同時佢自己亦於社交媒體上頻頻更新Cosplay或寫真美照，無論你係鍾意二次元角色，定係鍾意現實中嘅美女，相信都會睇得好滿足啦！

IG：oguazu_