隨住男人自己年紀越黎越大，就越黎越識得欣賞啲成熟嘅女性美——即係以前你睇片見到標題寫「三十路」都即刻撳走，依家見到「四十路」都可能會望多兩眼。但咁又唔代表男人老咗就鍾意「姐姐」喎，其實「妹妹」我哋都繼續鍾意㗎！好似今晚要介紹呢位稱係「令和No.1 妹系寫真女星」嘅「入間ゆい」咁，我哋一樣睇得好開心！

現年20歲嘅「入間ゆい」於舊年6月推出首隻DVD寫真出道，並憑住充滿青春感覺嘅面貌身材火速冒起，短短三個月後就已經可以再出第二隻寫真DVD。舊年年尾更於「キネマ旬報社」主辦嘅「年度寫真女星大賞」中獲得新人賞，絕對可以話係出道即爆紅嘅樣辦。

黎到今年佢亦無放慢步伐，先後於1月、4月以及啱啱過去嘅10月推出三隻新寫真DVD，同時又做埋日本寫真DVD販售網站「I-ONE」嘅宣傳女郎，似乎就係一步一步向著頂級寫真女星地位邁進。

有趣嘅係，雖然「入間ゆい」真係生得似個妹妹，但對日本人黎講可能算係見怪不怪。事關佢早前接受訪問時透露，滿20歲後第一件就係去便利店買酒，唔係因為佢鍾意飲酒，而係因為佢想享受店員以為佢未夠秤Check佢身份證嘅快感。點知店員問都無問就幫佢埋單，搞到佢鬼咁失望。

X：iruma_0712