唔少人都覺得寫真女星就係身材外貌搵食，著得性感啲喺鏡頭前面搔首弄姿無咩難度。但其實寫真女星呢份工並唔易做，要面對裏裏外外各種問題。好似今晚要介紹呢位「青井春」咁，就曾經多次彈出彈入寫真界，好在到最後佢都有留低，大家先可以欣賞到佢被日媒稱為「作弊級」嘅好身材咋！

現年27歲嘅「青井春」出身於日本大阪府。早於六歲時佢就已經加入兒童劇團，又參加過電視劇拍攝，本來就應該繼續向演員之路發展。不過到16歲時佢因為興趣而走咗去學時裝設計，繼而又接觸到模特兒工作，然後又被介紹去《週刊Playboy》拍寫真，於是2017年就已「はるかぜ」之名出道，一直到2019年宣佈休業。2020年8月復出並改名「青井春」一直活躍至今，以164cm高、I Cup上圍嘅頂級身材聞名於世。

但其實由出道以黎，「青井春」多次諗過要退出寫真界。好似上面提到嘅2019年休業，就係因為佢當時經常收到男Fans傳嘅不雅影片所致，後來因為見到有更多Fans等緊佢而決定復出。而佢於去年7月接受訪問時亦曾經講過，打算於未來一兩年內全面退出寫真界；不過過咗幾個月再接受訪問時，佢又話見到好多女星三字頭都非常活躍，所以可能會重新考慮一下是否引退。

簡單黎講，佢就係唔想等到年紀大無人睇先退役，咁如果一直好多人睇佢佢咪唔會退囉！咁大家識做啦？

IG：harujjang26