女仔嘅發育年齡通常係8至15歲期間，換言之過咗小學到高中初期後，女仔嘅身材一般已成定局，難以有咩特別「增長」。不過今晚要介紹嘅呢位「仲根なのか」就應該係個例外，事關佢話自己係靠高中畢業後放飛自我不停食，先至「養」出目前嘅I Cup身材，證明靠後天努力都可以擁有天然超豐滿曲線！

現年24歲嘅「仲根なのか」早年曾以「愛萌 なの」之名進行地下偶像活動，但好快就遇上疫情令發展受限，好在後來被星探公司發掘，得以進入日本寫真界。出道後嘅佢憑住不俗嘅外貌、大膽嘅寫真尺度、以及最重要嘅100cm I Cup身材火速走紅，並且深得各大雜誌青睞，成為各個寫真選拔比賽嘅常客。

好似佢出道僅三個月就獲得《週刊Young Champion》主辦嘅「Young Champion Best 2021選拔」總冠軍；之後又於《週刊Playboy》選出寫真界巨乳新人嘅年度企劃「次世代グラドルボイン番付 2021年秋場所」獲得「西橫綱」頭銜。2022年於GMO主辦嘅「日本寫真女王比賽」進入最終十強、2023年又於《產經體育》主辦嘅「產經體育GoGo女王」中成為第四代女王之一。可見佢嘅寫真實力。

「仲根なのか」嘅最大賣點當然係佢嘅肉感身材，而據佢去年接受訪問時提到，呢副I Cup身材其實係靠後天「養」出黎。佢話因為自己由小學起玩體操，所以到高中畢業前都要節食維持纖瘦體態，到高中畢業後就放飛自我不停食，結果變肥之餘上圍亦暴升到100cm I Cup。加上入咗寫真界後又努力減肥，前前後後減咗8kg但瘦人不瘦胸，先有大家依家見到嘅「肉感但不肥膩」好身材！

IG：nakane_nanoka