如果寫真女星嘅稱號都有所謂潮流可言的話，咁「童顏巨乳」就一定係其中一個最老土嘅稱號，歷年黎被用過於無數寫真女星身上，甚至日本媒體近年都唔太會用呢個稱號——但今晚要介紹呢位「瀬戸みるか」依然獲得日本媒體為佢冠上「童顏巨乳」稱號，而且仲係「偶像界最強童顏巨乳」，你覺得係日媒無咩創意，定係「瀬戸みるか」名符其實到唔同呢稱號唔得呢下？

現年23歲嘅「瀬戸みるか」自小就鍾意《光之美少女》及《偶像學園》等動畫，所以除咗參加Cosplay活動之外，仲一心想成為偶像。後來因為唔鍾意返學，再加上於原宿街頭多次被星探邀約，於是就加入日本女團「NIIJIRO☆サーカス團」出道。但佢好快就意識到團體無法帶佢前往夢寐以求大型舞台，於是選擇退團，並於2019年參加另一女團「NEO JAPONISM」嘅二期生徵選，最終成功入圍仲做埋團體Centre。偶像事業正式起飛。

為咗輔助偶像事業，「瀬戸みるか」亦無放低以前嘅Cosplay興趣，後來更慢慢發展成對水著寫真嚮往。2022年時，團體就為佢舉辦寫真眾籌，於個半月內吸引到超過250名Fans「科水」支持，最終亦於2023年推出首本個人寫真集，正式步入寫真界。2024年獲《週刊Playboy》邀請於雜誌亮相後，更成為日本媒體口中嘅「偶像界最強童顏巨乳」，於寫真界佔一席之地。

佢個樣「童」唔「童」，我覺得就見仁見智，但無可否認嘅係於佢偏瘦嘅身形襯托下，上圍的確係頗為突出、頗有睇頭，所以至少「巨」嘅部份算係名符其實啦！

IG：miruka_seto