熟悉日本偶像文化嘅人，相信都唔會對「指原莉乃」呢個名感到陌生。而「指原莉乃」除咗自己做偶像叻之外，佢做偶像製作人亦一樣有眼光，由2017起推出嘅「=LOVE」、「≠ME」及「≒JOY」等都已經成為日本當紅女團。而今晚要嘅呢位號稱「國寶級世紀美少女」嘅「逢田珠里依」，就係來自「≒JOY」！

卻說「指原莉乃」於2022年3月宣佈創立「=LOVE」、「≠ME」嘅新姊妹團「≒JOY」，而當年年僅18歲嘅「逢田珠里依」就係12名創團成員之一。出道之後「≒JOY」推出過多首歌曲，深得Fans們支持，去年嘅週年演唱會更登上東京體育館舞台，「逢田珠里依」嘅人氣亦跟住水漲船高。

不過要數到佢本人嘅「出圈」之作，就應該係去年6月為《週刊Playboy》拍攝嘅寫真。該次寫真唔單止係「逢田珠里依」嘅處女作，甚至仲係佢本人第一次著泳衣，但被冠以「國寶級美貌」稱號嘅佢，依然能夠向鏡頭好好展現有前有後嘅好身材，瞬間吸粉無數。

由於「逢田珠里依」嘅初寫真太受歡迎，《週刊Playboy》於短短兩個月後就搵佢返黎再影一輯，創下雜誌「史上最快Encore」嘅紀錄。隨後「逢田珠里依」唔單止於《週刊Young Magazine》完成首次漫畫週刊寫真，年尾時《週刊Playboy》更第三度邀請佢拍攝，而且今次仲上埋封面。佢嘅美貌與身材亦為佢贏得「世紀美少女」嘅稱號。睇佢呢個發展趨勢，相信黎緊仲會有更多寫真作品面世啦！

IG：aida_jurii__