呢個世界大把葡萄L，見到校花靚過佢，就話自己都係級花，見到級花靚過佢，就話自己都係班花，見到班花靚過佢，你唔好話自己都係課室入面姓賴當中最靚嗰個？！OK！要玩到咁窄，就正式搞個比賽同你玩！日本就有個「佐藤小姐選美比賽」，選出日本最美的佐藤姓氏女子，無論大人細路，甚至bb女，都一樣可以參加。

2015年5月開跑嘅佐藤小姐選美（MISS－SATO）終於結束，由全日本300多位佐藤小姐中，選出7位進入最終決賽。到底2015年嘅MISS－SATO係邊個呢？

雖然話參賽者咩年齡都可以參選，但進入最終決選嘅7位「佐藤」，都係20到30歲之間，果然，呢個歲數嘅女士最貌美如花呀……不過有呢個結果唔出奇，因為呢場選美比賽仲要展現廚藝，就算你係個幾歲大嘅小美人，要咁細嘅小朋友煮出一手好菜，都並唔容易。

另外呢位就係得到銀賞嘅佐藤真衣，一頭短髮嘅佢，感覺都幾活潑開朗，好似幾好咁。