對一個男仔黎講，細個睇《美少女戰士》，最重要就係每集嗰幾分鐘變身環節。無論係元祖五人「月火水木金」定後來嘅「外太陽系三人組」，總之一見到佢啲衫爆開哂就會好興奮－－除咗一個，就係月野兔同禮服幪面俠個女「小小兔」。除咗動畫後期「變大再變壞」成為Black Lady叫做有啲嘢睇，其他時間佢就淨係負責被人捉同被人救，連爆咗衫都冇嘢睇！

但今時唔同往日啦！依家嘅佢唔單止有嘢睇，仲畀你一眼睇哂！因為十幾年後嘅今日「小小兔」真正變大再變壞，壞到去拍AV啦。

準確啲黎講，係飾演小小兔嘅小演員去咗拍AV至真。話說由1993年開始，每年日本都會上演兩次舞台劇(通常為夏天冬天各一次)。而其中喺2001年夏天到2002春天飾演小小兔嘅，就係一名名為「廠のえる(宮崎のえる)」嘅小演員。

睇返佢個Wikipedia專頁，發覺佢除咗《美少女》舞台劇之外，就只有喺03年嘅三套電視劇中做過小配角，然後就消失得無影無綜。如果故事黎到呢到就完，就只係塵世間又一個明星夢碎嘅小故事，但事隔13年後嘅今日，廠のえる同小小兔一樣變大又變壞，以Prestige新人女優身份再出現喺大家眼前啦。