{ SKIP }
文:MenClub 魏文青  
POSTED ON 04 Sep 2015
早排曾經興過一陣「微胖女」,仲曾經有張圖係講女人眼中嘅「微胖」,其實真係「胖」,而男人眼中所謂嘅微胖,其實大波得黎又有返條腰咁解。早兩日我哋嘅Mean娜亦同大家用數據分析究竟男人係鍾意胸定樣,今日就到文青接手,同大家介紹下由日本深夜節目《ランク王国》選出嘅十人「肉肉女星」!

第十位:中村 真理


來自神奈川嘅寫真女星,今年年頭推出首張寫真DVD《23歲的高中生》--冇錯,佢真係23歲都仲讀緊高中,不過據知就係類似遙距課程嘅學校黎。都係嘅,如果我有個上圍38嘅中學同學,真係好難專心聽書嘅。


第九位:片岡 沙耶

童星出身,仲曾經組過團、出過歌。不過後來又因為想專心讀書而退出演藝圈,但高中畢業之後又簽咗新經理人公司,仲因為發育良好(35.5)而轉型為寫真偶像,出到第三隻寫真DVD,仲被譽為「童顏巨乳的最高進化型」。事實上「童顏」同「巨乳」基本上都係佢嘅唯「二」賣點……


第八位:葉月 ゆめ

2010年前曾經以「柳里穗」之名活動過一陣,2010年尾就改為依家用緊嘅「葉月ゆめ」,風格亦由以往嘅可愛活潑轉為依家嘅溫婉賢慧。不過風格還風格,真正賣點應該都係34H上圍吧?


第七位:長澤 ちはる

資料非常有限嘅一位寫真女優。基本上除咗知道佢係巨乳偶像團體「KNU」嘅成員之一,而及出過起碼兩隻寫真DVD之外就冇任何其他資料。不過重上圍size呢啲咁基本嘅嘢當然難我唔到--35H!


第六位:佐山 彩香

09年時,讀緊中學三年級嘅佐山彩香喺東京原宿站附近被星探發掘而成為寫真女優。之後活躍於各大少年雜誌之中,更被譽為「日本第一可愛女子高中生」。之後曾經出現過AKIRA版《GTO》,之後失驚無神走咗去奧地利留學,返黎就變咗依家呢個「微胖」型。上圍繼續豐滿唔在講,尺度仲越黎越闊添!

第五位:紺野 栞

又一個缺乏情報嘅寫真女優。淨係知道佢今年五月出咗第一隻寫真DVD,以及上圍同樣係35吋。

第四位:村上 友梨

村上友梨嘅爸爸係「JFE西日本硬式野球部」監督村上文敏 ,外公係德國人,所以亦有4份1德國血統。唔知係咪因為咁所以輪廓比較深、身材亦比較豐滿。14歲時就喺老家廣島被星探發掘,兩年後轉到東京就學,正式上京做藝人。接住幾年得到唔少演出機會,亦成為2009年「Miss Flash」亞軍,2012、13年又嬋聯《週刊Playboy》相撲級巨乳榜嘅西區橫綱、與篠崎愛分亭抗禮。

第三位:真東 愛

靜岡縣出身嘅寫真女星。2015年1月曾經以「真東りか」之名推出第一張寫真DVD,但三個月後就改名成為目前使用嘅「真東愛」。

第二位:ゆうみ

小學一年級時就已經有C級上圍,高中一年級已經去到H級,真係步步高升!亦都因為咁所以有「神乳生」嘅稱號!


第一位:柳瀬 早紀

有睇開Menclub嘅應該都唔會對佢好陌生。唔理你鍾唔鍾意,呢位「100分的女孩」可以話係目前日本最當紅嘅巨乳寫真偶像!咁肉肉女星又點可以冇佢呢?

ランク王国

唔少寫真女星都係透過參加日本各大出版社舉辦嘅寫真選美比賽而出道,而且因為呢類比賽通常美女雲集引人注目,又有出版社支持不乏曝光機會,所以一旦有拎到獎,好容易就能夠於寫真界站穩陣腳。不過今晚要介紹呢位「山 ...
girls
【深夜】為拍好寫真轉公司 「山本栞」成Enako師妹
20 Oct 2025
拳擊比賽打來打去又可能見血,對唔少人黎講可能屬於「兒童不宜」嘅項目。但實際上拳擊比賽似乎好少會禁止未成年人入場,甚至未成年嘅亦可以上台唔係做拳手參加比賽,而係上台做舉牌女郎。好似今晚要介紹呢位「百田汐 ...
girls
【深夜】最年輕舉牌女郎 「制コレ」成員之一「百田汐里」
17 Oct 2025