呢個PJ x EVA內衣套裝總共有一套六款，包括三款內衣、兩款睡裙同一款謎(?)之產品。其中モデルレーシィブラセット(Model Lace Bra Set)就有齊五個角色(零波式波真希波，再加真嗣同渚薰)嘅配色。7538Yen一套(約485港元)

ロンギヌスの槍ブラセット(朗基努斯之槍Set)就有一式三款。好明顯，最大嘅特色就係上面有朗基努斯之槍花紋喺上面。6458Yen一套(約415港元)

呢款ノンワイヤーブラセット(Non-Wire Set)就用上AT力場同使徒嘅主題色，亦都係咁多款入面最低調嘅，因為講真你唔講我真係睇唔出佢同《EVA》有關……5378Yen一套(約345港元)

至於兩款睡裙，就分別係零波麗同明日香嘅主題色，以及用「第3新東京市立第壱中学校」嘅校服為藍本。前面嗰兩條都算啦，但條校裙會唔會太性感呀！？7538Yen一套(約485港元)

最後一款就係PenPen(即係葛城美里隻企鵝)嘅連身套裝，仲好細心咁送埋對鞋添！不過我就唔知買黎做咩嘞…售價仲要係全場最貴嘅8618Yen(約555港元)一套……

睇完呢個系列，我有兩個想法：第一，池田エライザ真係好靚女！第二，一係《EVA》喺日本有好多女Fans，一係就係Peach John好清楚好多麻甩佬會留意佢出啲咩產品，而我個人就認為後者係正確答案嘅機會比較大。點解？因為呢到係MenClub，而你啱啱睇完一堆Bra之外仲有諗過「究竟買邊套」囉！

想買就快啦！因為由5號開始已經接受緊預訂，到月尾就完架啦！預計下年1月下旬出貨。

Peach John x Eva