自從早前電視節目的男神選舉後，睇package就成了潮流術語，揀男神睇package，選舉投票也要睇package，想點呀仲？

我是連旅行也不願意買package，寧可酒店機票分開自己訂的那種人。Agency給你選的那些package，當你一旦陷入其中，你就中了圈套不能自拔了，因為你總會覺得A這個價錢不錯但酒店不夠好，又或者B的酒店很OK但價錢又不OK，C這款package最接近理想但只有2日1夜的package……結果無論你選了哪款，是最接近心目中理想的C再加錢，還是什麼，最終都會距離你的原本Budget很遠，又或者，根本就不是你能負擔的……

圖片：截圖自港台

Package是什麼？就是裡面總有你喜歡的也總有你不太喜歡的，但拉勻嚟計還是比較抵？愛一個人或者衡量是否跟一個人一起，甚或繼續一起，也可以這樣用package來算嗎？噢這個女生其實身材沒有很好但因為樣子ok對眼幾靚而且是處女也不會常常要我買名牌所以睇package嚟講追得過？唉其實佢有啲煩仲有啲蠢但因為對腳ok而且又冇迫過我結婚仲肯同我食譚仔所以整個package嚟講都仲可以繼續一齊住先？

如果是真正愛一個人，光是對方某個優點，已足以教你神魂顛倒，忘記自己姓咩，還怎麼能夠如此理智老練客觀分析，用龍珠雷達替人家逐個部分打分，再拉勻嚟計，睇最後得出正數定負數？光是一項無可取代的優點，已足夠掩蓋所有了。

有時候懷疑是否女生比男生更擅長這種睇package的習性，佢雖然唔上進人工又低過我但至少聽話木獨唔識作反又幾好控制，呢個男人雖然年紀唔細但好在冇老婆又冇仔女仲打緊正苦工應該好快儲到錢上車，佢雖然秃頭有肚腩但對眼夠靚而且有樓有車所以睇番個package嚟講都嫁得過……

愛不需亦不應計算。需要暗裡機關算盡的，就算你敢稱為愛，也只是自愛而已。

香港新生代作家、作詞人及主持人