靚嘅標準人人唔同，非常主觀，有人鍾意尖臉，有人鍾意圓臉；有人鍾意圓眼，有人鍾意鳳眼；有人鍾意薄唇，有人鍾意厚唇。每一種美，都各有特色，鍾意邊樣外貌，視乎個人喜好，所以好多時啲選美比賽（唔只香港），冠軍出爐時都勁多爭論，一方話冠軍最靚女，另一方又話落選者仲靚blahblahblah。好喇！停喇！都係觀點與角度問題，不如公平啲，唔好用人嘅主觀角度去選美，用科學嘅計算方法去選美，有證有據，咁個嬴家實係（理論上）最靚，冇得拗啦！

咁根據科學算出嘅最美黃金比例，點嘅樣先最完美？就係好似下圖呢位小姐咁樣。