近來香港興起一陣龍蝦熱，尤其係外觀非常適合打卡、食落啖啖龍蝦肉嘅龍蝦包更加係各大「Foodie」都一定要試嘅食物。咁既然講到龍蝦，又點可以唔提銅鑼灣嘅Red Lobster呢？佢哋最近推出嘅秋季菜單，就順應潮流為大家帶黎包括龍蝦包在內嘅多款龍蝦美食啦！

Red Lobster嘅龍蝦包雖然就冇堆到瀉出黎嘅龍蝦肉，但就話係用上店內水缸嘅活龍蝦拆肉製成，確保龍蝦肉保持於最新鮮嘅狀態，而個包亦特意用上港式排包，更能吸收龍蝦肉汁，一咬落去真係香氣四溢。

除此之外，香港Red Lobster今次亦引入多款美國Red Lobster嘅經典食物，例如來自法國嘅新鮮生蠔、配上松露龍蝦醬嘅「海鮮蘑菇球」、適合邊傾邊食嘅焗龍蝦，大蝦和蟹肉蘸醬配Nacho等。亦有龍蝦迷必試，有兩條烤龍蝦尾再加龍蝦汁意粉嘅「龍蝦組合」，相信一定可以滿足大家對龍蝦嘅欲望！

Red Lobster（香港分店）

地址：香港銅鑼灣 Fashion Walk 加寧街 8 號地下

電話：+852 2261 2996

營業時間：星期一至星期五上午11時30分至晚上10時30分；星期六及星期日上午10時正至晚上10時30分