{ SKIP }
文:MenClub 魏文青  
POSTED ON 07 Dec 2020

講起日本壽司,大家應該都諗起所謂嘅「握壽司 (Nigiri Sushi)」,亦即係壽司師傅用手將醋飯握成合適大小形狀,再放舊魚上去嗰隻。但握壽司亦意味住成舊壽司都會經過壽司師傅對手,肯定就唔係最「衛生」嘅處理食物方法,而根據日本一個調查發現,原來都真係有部份日本人覺得咁樣係好唔衛生。

同樣係來自Sirabee嘅調查,訪問咗超過1,700名年齡介乎「10代至60代」嘅嘅日本男女,發現平均有15.6%嘅人認為握壽司嘅處理方法會令佢哋有啲猶豫。如果按年齡分佈,最猶豫嘅組別係10代嘅男仔 (23.3%),最唔介意嘅係50代嘅中年男性 (10.4%)。整體最介意嘅組別就係30代嘅男女 (男20.3%、女19%)。除此之外,表示對壽司師傅對手有猶豫嘅比例,大致係按年齡減少。

有趣嘅係由10代到40代,表示對握壽司有猶豫嘅女性比例,比起同年齡嘅男性都要低,亦即係比起女性,男性似乎對於壽司師傅對手更加有意見。

圖片:Sirabee

有10代男仔就話,雖然佢相信壽司師傳有確保手部清潔先去整壽司,但佢都係覺得會有啲唔舒服,認為用機整嘅壽司更加安全。特別係依家疫情橫行,就更加唔想人哋對手直接掂到佢啲嘢食。

另一邊廂,一名50代男性就話,由細到大食嘅壽司都係用人手握出黎,認為冇任何唔舒服,而且如果唔係用手握,舊飯入口就會散,影響口感。佢仲話鍾唔鍾意手握壽司係大眾嘅自由,但同時呢個係日本嘅文化之一,如果被否定就有啲可悲。

香港人對「飲茶」絕不陌生,但話就話係「飲茶」,「茶」本身卻從來都唔係大家去飲茶嘅重點,絕大部份人都係為咗啲點心而去。近來開設於中環娛樂行嘅「福和雍」就決定「撥亂反正」,雖然都有提供名廚主理嘅精緻點心, ...
gourmet
【本地美食】茶先係主角 中環港式點心茶館「福和雍」
05 May 2021
疫情影響之下,店鋪租金都略有下調,尤其唔係傳統旺區嘅地段租金就顯得更為吸引,結果就係開始有啲你估唔到嘅店鋪餐廳,進駐啲你估唔到嘅位置。例如來自日本、獨家供應日本小田A4和牛的「和牛燒肉一郎」,就冇揀港島 ...
gourmet
【本地餐廳】全港獨家小田和牛「「和牛燒肉一郎」進駐佐敦
23 Apr 2021