{ SKIP }

POSTED ON 21 Jun 2023

對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得鍋合作,推出全新嘅「青藤椒牛雜鍋」,為食客提供一個清爽鮮辣嘅夏天。

青藤椒牛雜鍋 $188

惡魔牛雜鍋 $168 及 原味牛雜鍋 $168


首先,我上面話ChumPlus「進駐」巧得鍋,其實係呃你嘅,因為網店其實就係火鍋店嘅主理人Wing於疫情期間創立,為「被困」家中嘅市民提供高質食物,所以更準確嘅說法,係個急凍牛雜鍋「回歸」火鍋店。不過團體亦唔係簡單搬字過紙,除咗以牛骨熬煮湯底,加入豆豉、草果、八角、桂皮、甘草、沙茶醬、柱侯醬等等材料炮製嘅「原味牛雜鍋」,以及加入小米椒、指天椒、青花椒、辣椒乾、印度鬼椒等多種火辣食材而成嘅「惡魔牛雜鍋」外,今次團隊更推出全新嘅青藤椒牛雜鍋,青藤椒辣度雖然稍遜,但就增添清爽優雅風味及香氣,即使夏天食亦唔會感覺太負擔,更可以與海鮮、肉類、內臟輕鬆配搭。

滋補花膠燉竹絲雞鍋 $238

青藤椒沙冰 $35

而除湯底之外,牛雜本身亦見功夫。為保持鮮味,所以團隊只取冰鮮而非急凍牛雜,然後自行處理牛肺沖水啤水、洗淨牛腸塞薑辟腥、牛膀去衣等工序,再加上草肚、金錢肚等總六種部位,炮製出一鍋濃郁嘅牛雜鍋。若有同行女士不敢食內藏,巧得鍋亦有另一招牌鍋物、飽感膠質嘅花膠燉竹絲雞鍋可供選擇,再配上將乾青藤椒磨成粉,混合奇異果蓉打成嘅「青藤椒沙冰」,一樣可以品嘗青藤椒嘅風味。

手打芝心三色丸 $118

自製太極墨魚釀冬菇 $88

自製韮菜安格斯牛肉餃 $98

麻辣青藤椒涼伴魚皮 $78

麻辣青藤椒涼拌花膠 $108

麻辣青藤椒涼拌牛栢葉 $88

巧得鍋

地址:觀塘成業街15-17號成運工業大廈1樓12-14號舖

電話:22345169 / 22345170 / 59188460 (WhatsApp)

營業時間:11:30 - 15:00;17:30 - 23:00(星期一至六)/ 17:30 - 23:00(星期日及公眾假期)

由英國媒體公司William Reed於2002年創辦嘅「全球50家最佳餐廳 (The World's 50 Best Restaurant)」名單,每年都會選出全世界最好嘅50間餐廳。而2024年名單入面,就有兩間香港餐廳入選。有趣嘅係,呢兩間餐廳剛巧處 ...
gourmet
【美食】全球50家最佳餐廳2024 香港「大班樓」、「永」上榜
12 Jun 2024
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023