夏天逐漸迫近，相信除咗一眾曬波曬腰又曬蘿嘅女士之外，想Show肌嘅男士都紛紛尋求減肥方法，特別過咗端午節食完幾隻糭，之前減嘅脂肪即刻返晒嚟，愛回家到呢……雖然減肥最有效嘅方法就係運動，但如果唔控制一下飲食，一樣有排都未減得成。唔少女士都會選擇食少啲，靠節食去減肥。不過對男士嚟講，飽肚最實際，唔食飽又邊有氣力操肌呢？

話就話減肥期間最好避免碳水化合物，但由細到大，白飯都係生命中不可缺少嘅糧食，真係餐餐都要食佢先有滿足感！