{ SKIP }
文:MenClub Mean娜  圖:互聯網
POSTED ON 08 Feb 2018

話就話「牙痛慘過大病」,但似乎好多人都唔會特別關注牙齒健康問題。其實除咗食得多甜嘢同唔刷牙之外,仲有好多生活習慣會影響牙齒健康,你又知唔知自己中咗幾多?


咬指甲
咬指甲唔單只唔衛生,仲好易破壞牙齒琺瑯質。

飲完咖啡、啤酒、碳酸飲品後即刻刷牙
好多人都以為食完嘢飲完嘢即刻刷牙就可以維持牙齒健康,但如果係咖啡又或者汽水呢啲刺激性飲品,就唔好一飲完就即刻刷牙,最好都係隔一段時間再刷牙,因為刺激性飲品嘅成份會令牙齒變軟,如果立即刷牙反而容易刺激牙齒。

咬冰粒
唔少人天氣熱時都會食吓冰粒降吓溫,但冰粒本來就容易刺激牙齒,加上大力咬冰粒呢個動作可能會令敏感牙齒斷裂。

食溫差大嘅食物
冷熱食物交替咁食唔單只容易令腸胃唔舒服,仲會一直刺激牙齒,牙齒就會愈嚟愈敏感。

大力刷牙
好多人誤以為刷牙要大大力先夠乾淨,但其實力道過大好容易傷到牙齦,嚴重嘅仲有機會導致甩牙危機。

用牙籤撩牙
如果撩牙時方向唔啱,牙籤一樣容易令牙齦受傷。

吸煙
吸煙唔只會令牙齒容易變黃,仲好容易引起牙周病等問題。

EVA新劇場版就預定於6月27日上映,但因為一場武漢肺炎,結果依家就唔知推遲到幾時。但,相關嘅聯乘宣傳就如期開始喎!例如同日本電器鋪Edion (愛電王)合作推出嘅「家電補完計劃」就會於4月25日開始啦! ...
healthandfitness
4月25開始訂 EVA「家電補完計劃」
21 Apr 2020
GIR明確指出呢個口罩不能代替醫護人士使用嘅N95,但對於只係想出街買餸時有一定保障嘅普通市民黎講,就係一個唔錯嘅替代品。
healthandfitness
微波爐消毒 GIR出矽膠口罩
20 Apr 2020