{ SKIP }
文:MenClub 魏文青  
POSTED ON 29 Aug 2018
早排有網民發現,香港繼樓價、工時、堅尼系數等之外,又多咗一樣嘢成為「世界第一」,就係空氣污染指數。其實香港嘅空氣不嬲都唔多好,但對比起中國北京人面對霧霾之時又口罩又盛,香港人大多倚賴鼻毛作為阻擋污染物嘅唯一屏障,而又唔好以為空氣污染只係撩多兩次鼻咁簡單,根據嘅最新研究,空氣污染仲會直接降低你嘅智商!
諷刺嘅係呢個研究係由三位中國學者根據中國家庭追縱調查由2010年至2014年嘅數據,對比同時期嘅二氧化硫及二氧化氮紀錄,發現人們生活於污染空氣中的時間越長,其語言能力及數理能力都會變差,其中又以語言能力受影響更嚴重,男性又比女性嚴重,年過64歲又更嚴重,學歷低者再更嚴重,研究人員之一嘅Xi Chen指各方面相加,空氣污染等於受影響人士讀少幾年書,你都咪話唔得人驚!
之於原因,《衛報》就引述香港理工大學嘅Derrick Ho指,空氣中嘅污染物會令人產生「氧化壓力」,「神經組織炎症」、「神經退行性疾病」等問題,簡單啲黎講就即係影響大腦運作,堵加患上阿茲海默症、柏金遜症等嘅風險,對比之下影響智商似乎只係一個警號。睇黎大家都真係要關心一下香港嘅空氣污染問題啦!
PNAS
今晚食咩好呢?
healthandfitness
【今晚食日本菜】日本人飲食習慣帶來的好處
11 Oct 2019
可以開心咁減到磅就梗係最好啦!
healthandfitness
【健康有計】80/20法則,唔使再餓住減重啦!
07 Oct 2019