{ SKIP }
文:MenClub 魏文青  
POSTED ON 13 Apr 2022

經過超過兩年嘅疫情,相信唔少人都非常期望回復「正常生活」嘅一日,但當近排疫情稍緩,條街多咗好多人之後,你又有冇覺得出街有啲壓力?外國近來就出現一個新興字「社交宿醉 (Social Hangover)」,黎形容回復「正常生活」之後,大家對於社交感到疲乏及有壓力嘅現象。

據英國心理治療師Jodei Caiss指,所謂「社交宿醉」係指經過一定時間嘅社交活動後,感到非常疲憊,只係想返屋企自己一個休息下。佢話情況就同一個好耐冇做運動嘅人突然去做Gym一樣,「經過兩年嘅限制、孤獨、分離,當大家要再次進行正常社交活動之後,就會感到非常疲倦。就等如大家好耐冇去做Gym,再去返嘅時候,係冇可能做返同之前一樣嘅強度。」佢亦提到「社交宿醉」其實並非一個全新概念,只係以往只出現於性格內向嘅人身上,但經過疫情之後,多咗人面對呢個情況一樣。

佢話講到尾嘅原因,其實就係大家身心都已經習慣疫情之下冇街出、見朋友要Facetime嘅生活,「好多人嘅腦中都已經對呢個『New Normal』建立新嘅神經傳導路徑,所以當要改變時就會出現焦慮、害怕嘅情緒。而皮質醇隨壓力而增加後,就會影響人嘅認知能力,令大腦出現無法處理更多事嘅Hang機狀態。」

而解決辦法其實亦好簡單,就係畀時間自己慢慢適應。「重要嘅係我哋知道呢件事嘅存在,以及我哋個腦係點運作,咁就可以有意識地為腦部健康著想休息一下,去理解、處理自己嘅情緒。如果你於社交後感覺疲倦,好可能係因為你做得太多,如果我哋唔畀足夠時間自己去重新充電,可能會有心理、情緒、身體上嘅不適。」

資料來源:Glamour Magazine

過去有好多關於性愛嘅研究,都證實做愛對於人體有實際益處,但就較少有關於心理上益處嘅相關研究。不過近日中國嘅一個研究就利用美國普查數據,發現做愛原來能夠有效降低患上抑鬱症嘅機率,甚至仲計咗個「最佳次數」 ...
healthandfitness
【兩性】研究指做愛有效抗抑鬱 一週一到兩次效果最佳
29 Apr 2025
有人認為通訊科技發展拉近人與人之間嘅距離,但亦有人認為現代社會變得越黎越冷漠。而其中一個能夠體現呢種冷漠嘅,或者就係近年越黎越常見嘅「孤獨死」個案。近日「孤獨大國」日本就發佈一份關於「孤獨死」嘅官方報 ...
healthandfitness
【日本】日本官方發佈「孤獨死」報告 一年7.6萬人七成為男性
23 Apr 2025