{ SKIP }
文:MenClub 魏文青  
POSTED ON 16 May 2022

社交媒體對現代人黎講已經係生活中不可分割嘅一部份,實際上你睇到呢篇文之前,好有可能都係碌緊Facebook、IG,甚至TikTok、WeChat,仲碌得津津有味添!但最近一個英國研究就發現,社交媒體其實對大家嘅心理健康構成影響,而只需要停用一週,就已經能夠令大家對將來更有希望、思路更加清晰,以及減少抑鬱症狀。

社交媒體影響用家心理健康其實已經唔算係新聞,而來自英國Bath大學嘅心理學家Jeff Lambert,早前就做咗個研究,證明只要停用社交媒體7日,就已經能大幅改善心理健康。Jeff Lambert與團隊搵黎共154名年齡屆乎18-72歲、平均每星期花8個鐘去睇社交媒體嘅人黎,先紀錄佢哋各自嘅焦慮、抑鬱程度以及心理健康狀態,再將其分成兩組。一組繼續使用社交媒體、另一組就被要求停用一切社交媒體7日。7日完結後一眾參加者再接受多次心理健康調查,以得知停用社交媒體是否有助改善心理健康。

結果首先發現,被要求完全停用嘅人,最後平均都用咗21分鐘去社交媒體之上,證明完全停用似乎非常困難,但使用時間已經大幅下跌。同時,停用社交媒體嘅人亦更傾向認同「我對未來感到樂觀」、「我覺得自己思路清晰」等陳述,而且整體心情更好,亦較少感到緊張、憂心或其他抑鬱症狀。

是次研究嘅重點,在於停用社交媒體短短7日,就已經能夠改善參加者嘅心理健康狀態,效果可謂立竿見影。Jeff Lambert指出,佢明白對現代人黎講,社交媒體已經係生活必須品之一,但假若你面對心理健康問題,減少使用社交媒體嘅習慣可能已經有好大幫助。

資料來源:Taking a One-Week Break from Social Media Improves Well-Being, Depression, and Anxiety: A Randomized Controlled Trial

「政治正確」乃係近年全球「主旋律」之一,而且唔單止係要維持形象嘅公眾人物或企業,就連作為普通人嘅大家,於生活上、職場上有時都要考慮到「政治正確」。而近日一個研究就發現,員工於職場上維持「政治正確」,其 ...
healthandfitness
【健康】研究指「政治正確」令員工感到認知疲乏
20 Jul 2022
日本少子化問題嚴重,唔好話結婚生仔、唔少日本年輕人連拍拖、做愛都冇興趣,似乎整個日本都進入一個「性冷感」時期。不過今日日本就出現一個令人意外嘅新聞:據日本國立感染症研究所昨日公佈,2022年上半年間日本梅 ...
healthandfitness
【日本】日本梅毒個案激增 今年或超萬宗 網民指情況奇怪?
13 Jul 2022