如果要你即刻諗一位日本著名嘅足球員，你又會諗起邊個呢？會唔會首先諗起嘅係戴志偉、小志強、林源三呢？

哈哈講下笑姐，呢啲都只係漫畫人物，但係日本足球史上都真係出過唔少世界著名嘅球員，其中就包括被稱為

「日本國寶」嘅中田英壽(Hidetoshi Nakata)。

日本嘅足球水平喺亞洲地區黎講絕對係頂級，而中田英壽就更加喺頂級之中嘅頂級。不過，呢位日本國寶就無

將自己喺足球場上嘅天賦發揮到盡，佢喺2006年世界盃結束後突然宣佈退役，當時嘅佢就只係29歲，呢個消息

震驚左日本以至整個足球壇。

雖然中田英壽喺球場上發出嘅光芒好短暫，但係就好耀眼，佢喺FIFA 100球員名單中成為唯一入選嘅日本球員，

可想而知佢嘅成就並無因為生涯短暫而有任何影響。另外，中田英壽嘅出現影響左日本足球好多，佢可以話係對

後世嘅日本球員開左一條通向世界嘅路，就好似中村俊輔、香川真司等人都受到中田英壽唔少嘅啟發。

1977年出世嘅中田英壽，司職進攻中場，9歲就加入少年足球隊進行訓練，其後喺1992年加入山梨縣立韮崎高等

學校，並順利入選日本U15、U17及U19嘅國家隊。由於喺不同組別嘅國家隊都有出色嘅表現，中田英壽成功獲

得當時處於J1聯賽嘅平塚比馬相中，正式成為職業球員。

剛剛轉為職業球員嘅中田英壽，當時就只有18歲，但佢已經成為球隊嘅正選球員，喺第一季上陣35場下攻入10球。

而喺1997年，由於出色嘅表現，中田英壽成功入選日本國家隊，正式晉身為大國腳。同年，中田英壽成功奪得日本

J League最佳球員及亞洲足球先生大獎。

1998年，中田英壽首次代表日本參加世界盃，而呢一次亦都係日本首次打入世界盃決賽週，可惜嘅係日本同強隊

阿根廷、克羅地亞及牙買加一組，所以最終三戰全敗下出局。雖然喺世界盃中田英壽並無協助日本交出咩好成績，

但係佢嘅個人表現仍然獲得歐洲球隊垂青，最終佢喺夏天以400萬美元轉會費加盟意甲球隊佩魯賈，成為繼三浦知

良後第二位日本球員登陸意大利頂級聯賽。

黎到意甲嘅首季，中田英壽表現令人驚喜，佢喺33場意甲賽事中攻入10球，成為隊內嘅神射手，而其中佢喺加盟第

一場已經梅開二度，證明佢嘅實力即使喺歐洲亦都完全無問題。

就喺效力左佩魯賈1個半球季後，羅馬呢支意大利首都球隊喺2000年1月決定引進呢位日本國腳，而當時佢嘅轉會費

係高達2100多萬歐元。中田英壽加入羅馬後只係短短效力1季半，佢係就喺第二季嘅時候隨隊拎到意甲冠軍，算係

佢球員生涯入面最高嘅榮譽。其中中田英壽喺羅馬最輝煌嘅一戰，相信就係2001年5月6日面對祖雲達斯嘅比賽，當

時羅馬0：2落後嘅時候，呢位日本國腳以後備身份入替托迪上陣，其後佢一記30碼外嘅勁射成功為球隊追番一球。

之後中田英壽再次施放遠射，祖記門將雲達沙將球拍出不遠，最終被門前嘅蒙迪拿執雞成功，最終雙方踢成2：2平

手。就係因為呢場成功扳平，令羅馬得以喺聯賽領先第二位嘅祖記6分，最終賽季完結時羅馬以2分之差壓倒祖記奪

得聯賽冠軍。

2001年夏天，中田英壽以2840萬歐元轉會費加盟帕爾馬，而呢個轉會費令佢成功打破封塵14年嘅亞洲球員轉會費紀

錄。喺帕爾馬效力左3個球季，中田英壽嘅入球能力有所下跌，但係佢就成功助球隊喺2002年意大利杯決賽首回合攻

入非常重要嘅作客入球，就係憑住呢球作客入球，帕爾馬成功兩回合計2：2(作客入球優惠)擊敗祖雲達斯，奪得賽事

冠軍。

2002年，中田英壽第2次代表日本國家隊參加世界盃，由於今屆賽事係日韓聯手舉辦，所以作為主辦國之一嘅日本亦

踢出國家隊喺世界盃有史以黎最佳嘅表現，就係成功殺入16強(2010年成續相同)。其中中田英壽喺分組賽最後一場面

對突尼西亞成功射入佢世界盃生涯入面唯一一個入球。

2004年，中田英壽被帕爾馬外借至博洛尼亞，效力半季後喺2004年夏天轉投費倫天拿。加盟費倫天拿嘅第二季，中田

英壽再次被外借，今次佢加盟嘅係英超球隊保頓，而喺保頓完成呢個球季後，中田英壽再次代表日本國家隊參加06年德

國世界盃，但今屆日本隊表現未如理想，1和2負嘅成續最終止步於分組賽。

完成呢一屆嘅世界盃後，中田英壽突然宣佈就此掛靴，當時嘅佢就只有29歲，絕對屬於當打之年，因此唔少人都為之

感到驚訝。退出足球壇後，中田英壽轉到其他範疇，其中時裝係其中之一。另外，由於中田英壽外型英俊，而深受廣

告商垂青，所以退役後他都拍落唔少廣告，所以有人稱佢為「日本碧咸」。

之路，雖然佢嘅球員生涯只有短短嘅11年時間，但無可否認佢係日本足球歷史上最偉大嘅球員之一！