近一年世界網球壇已經改朝換代，當你仲以為世界前三係由費達拿、拿度同祖高域三分天下嘅話你就太out啦，因為宜家世界排名第一嘅球員係英國嘅梅利，而費達拿同祖高域都已經跌出前三位，其中祖高域由去年實現個人全滿貫後，今年竟然沒有一項大滿貫收入袋，狀態大幅下滑得令人難以置信。不過，「泥地王」拿度近期表現卻非常勇猛，因為佢為左出戰自己最擅長嘅泥地賽 - 法國網球公開賽，已經先後奪得蒙地卡羅、巴塞隆拿以及馬德里網球賽嘅冠軍，完成備戰。