今年夏天，曼聯以7500萬鎊成功簽下愛華頓前鋒盧卡古。作為上屆英超射手榜排名第2位嘅球員，24歲嘅盧卡古被認為越黎越成熟，兼且擁有出色嘅速度、身型以及入球能力，所以領隊摩連奴先會願意再一次同呢位前車路士前共事。另外，由於上季曼聯嘅首席射手伊巴謙莫域仍然處於養傷階段，所以基本上曼聯都將球隊嘅入球重責放喺盧卡古身上。