【專業化！】兒時遊戲「捉衣因」已有國際賽！

文：MenClub 波特先生　　圖：互聯網
POSTED ON 22 Feb 2018

相信唔少人細個都一定有玩過「捉衣因」，以前無咁多電子玩意，小朋友最鍾意就係落街跑跑跳跳，而「捉衣因」絕對係其中一樣最多人玩嘅集體遊戲。黎到今時今日，識玩「捉衣因」嘅小朋友應該唔會太多，但係一班以前玩開「捉衣因」大嘅人就將呢個遊戲變成一個正規運動比賽。

「捉衣因」並唔係一個只喺香港獨有嘅遊戲，世界各地亦有唔少呢個遊戲嘅愛好者，並且呢班人更加將「捉衣因」專業化，將佢發揚光大！呢個專業化嘅「捉衣因」賽事，英文叫「Chase Tag」，賽參者只可以喺指定範圍內走動，並且只係1對1，1個負責捉人，另1個就係負責避開被捉，只要捉人個個用手掂到對方就算贏(係一定要用手架)，而比賽時間只有短短20秒。

場地入面設置左唔同嘅障礙物，兩位參賽者需要喺障礙物當中左穿右插咁跑，同我地當年喺公園有唔同嘅設施一模一樣，真係好令人懷念！

雖然每一輪賽事只係20秒，但係各個參賽者速度都好快，再加上動作非常靈活，令賽事變得非常緊湊，睇完比賽片段，會唔會令你好想落去公園玩番場「捉衣因」呢？！