《福布斯》十大運動員品牌價值，第1位竟然不是籃、足球！

文：MenClub 波特先生　　圖：互聯網
POSTED ON 04 Dec 2017

較早前《福布斯》推出左最新一期有關體育運動員品牌最高價值嘅名單，其中排名前十位嘅運動員包括黎自籃球、足球、網球、高爾夫球、田徑及板球，而排名第一位嘅運動並唔係黎自最多人鍾意睇嘅籃球及足球，而係黎自網球界嘅「瑞士天王」費達拿。

根據《福布斯》嘅統計，費達拿呢位運動員目前嘅品牌價值達到3720萬美元，比排名第2位黎自NBA嘅LeBron James高出380萬美元。

而個運動員品牌價值排名，係根據運動員所獲得嘅獎金(不包括其投資所獲得的任何收入)減去其運動項目排名前十收入運動員嘅平均收入。

與上一年度相比，費達拿因為奪得兩項大滿貫錦標，所以品牌價值今年增加左3.3%。而LeBron James上季因失去左總冠軍，所以品牌價值下跌左1.8％。另外，排名第3位嘅牙買人飛人保特，今年因為宣佈退役，所以唔少人都爭相希望可以睇到佢最後嘅風姿，所以今年其價值一口氣增加左8％。

其實作為網球員嘅費達拿，人工完全無得同好似C朗拿度、美斯，又或LeBron James等嘅籃、足球員相比，好似今年佢雖然有高達6400萬美元嘅收入，但係當中只有600萬係比賽獎金，其他全部都係黎自廣告代言收入，所以可以說明費達拿呢個品牌絕對係唔少公司最愛用上嘅代言人之一。