{ SKIP }
文:MenClub 波特先生  圖:互聯網
POSTED ON 30 Nov 2017

勇士球星Stephen Curry係目前NBA嘅巨星之一,雖然佢無勁爆嘅天賦,但憑住一手爐火純青嘅投射及控球,完全改變左呢一代嘅年輕人對籃球嘅理解,並引來無數人嘅模仿。究竟點樣先可以成為好似Curry咁嘅球員?佢嘅投射同控球係點樣練番黎嘅呢?今次機會黎啦,因為Curry即將喺網上教學平台MasterClass上指導大家點樣進行訓練!

今次Curry同MasterClass合作,完全係為到新一代嘅年輕人著想,呢位兩屆MVP表示:「如果我13歲嘅時候能夠有呢類型嘅課程,我會更快成為一名更出色嘅球員。以往我需要花更多時間才學識點樣去做正確嘅訓練,我希望人們能夠見到我係點樣投資我嘅比賽、點樣訓練、喺訓練入面我究竟做左啲咩、我嘅心理層面係點樣。所以,當MasterClass提供呢個機會,我可以向人們展示我究竟如何準備比賽,這就變得非常適合。今次合作嘅目的,係令所有人都變得更好,變得更鍾意籃球。我亦都想佢地有更多動力及挑戰,並期望佢地可以用一個唔同嘅角度去睇比賽。」
MasterClass將會喺2018年初正式上線展開教授課程,而Curry嘅訓練課程將會分拆數段影片發佈。除左Curry,其實佢地仲有唔同嘅人去教授其他野,好似另外仲有女子網球傳奇沙蓮娜威廉絲等。

相信喺Curry嘅教授課程中,最主要必定會講到佢神奇嘅投射,究竟佢係點樣練就一手出手極快同時命中率奇高嘅投射呢?點樣可以將射程越練越遠呢?當中有咩巧妙呢?另外,Curry嘅控球亦都係大家好想學到嘅技術之一,相信佢都會拆解點樣練習先會變得更好。想提升自己籃球技術嘅朋友,真係唔可以錯過啦!

MasterClass Curry網址

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025