隨住社交網絡慢慢成為大家主要嘅「社交生活」，你有冇發現自己接收到嘅資訊越黎越單一？其實一切都同社交網絡嘅設定有關。或者係怕大家經常見到啲唔鍾意嘅人或者意見，篤眼篤鼻之後就連網都唔上，所以各大社交網絡或多或少都會因應你嘅喜好而推送資訊。即係你睇開Like開性感Model，Facebook自然就會搵更多類似嘅內容過你。

咁樣係就係睇得開心，但久而久之就會形成所謂嘅「回音壁(Echo Bubble)」，即係你只能接收單一意見嘅資訊，產生「所有人都好似我咁諗」嘅錯覺，亦喪失「真理越辯越明」嘅機會。所以依家有人專登出個APP黎幫你打爆「回音壁」！