前常規賽MVP Derrick Rose，今年夏天以老將底薪同騎士簽約，目的就係希望可以加入一支強隊嘅同時獲得正選上陣嘅機會。但係好可惜，近期Rose因為受傷已經連續缺陣左8場比賽，幾時復出都仲未知。而更令人擔心嘅係，呢位擁有唔少支持者嘅控衛，近日就同騎士申請離隊一段時間，而喺離隊嘅呢段時間入面，佢會認真考慮係咪繼續佢嘅球員生涯。