【糟糕！】曾經的天才祖高爾Joe Cole要當教練！

文：MenClub 波特先生　　圖：互聯網
POSTED ON 16 Jan 2018


如果回想21世紀初嘅車路士，你可能會諗起林伯特、杜奧巴、泰利、杜夫、洛賓等名將，但其中其實仲有一位曾經被冠以「天才」之名嘅英格蘭中場，佢就係祖高爾Joe Cole啦！祖高爾呢位曾經人們口中嘅天才，其生涯卻係早熟早殘，現年36歲嘅佢喺2015-16球季已經離開左頂級聯賽，如今嘅佢喺美職聯效力，未來退役後佢就想做教練，並目標係做下一位哥迪奧拿！

祖高爾近日接受訪問時透露，當日生涯初期仲效力韋斯咸嘅時候，球隊曾有機會簽下當時離開巴塞隆拿嘅哥迪奧拿。祖高爾直指，球隊喺2001年真係非常接近完成哥迪奧拿嘅交易，球隊領隊Glenn Roeder更叫佢入去辦公室比意見，要知道當時嘅祖高爾其實仲好年輕。

祖高爾對Roeder表示：「你覺得我會點諗？我地係韋斯咸，佢係哥迪奧拿，我地一定要簽佢，呢個就係我嘅想法。」

當時離開巴塞嘅哥迪奧拿，一共為球隊贏下6個西甲聯賽冠軍，及隊史第一個歐聯冠軍，係一名偉大嘅球員。

祖高爾又表示，當時Roeder認為哥迪奧拿嘅到來可能會影響卡域克嘅成長，所以雖然「糟糕」好想同哥迪奧拿一齊踢球，但最終還是無完成交易。

如今祖高爾快將退役，佢正考慮去做一名教練，而佢亦非常回味效力車路士嘅日子，因為車路士係佢孩童時代一直支持嘅球隊。而接下來如果要做一名教練，祖高爾就認為哥帥的一套非常值得借鏡，亦即係傳控踢法。唔知第時我地會唔會有機會見到「糟糕」帶領自己嘅球隊，去挑戰哥帥嘅球隊呢？