【撒亞人增援】巴黎聖日耳門主場有孫悟空助陣！

文：MenClub 波特先生　　圖：互聯網
POSTED ON 26 Feb 2018


如果有睇開《龍珠超》嘅朋友，相信應該都非常期待黎緊悟空即將完成全銀髮嘅「自在極意功」終極型態，咁樣預計就算係吉連都應該唔係佢嘅對手。

而尋晚一場法甲賽事，穩坐榜首嘅巴黎聖日耳門主場面對排名第3嘅馬賽，賽前現場球迷就請黎一位最強猛人坐陣為球隊打氣。無錯！佢就係上面提到嘅孫悟空啦，不過佢嘅型態就唔係「自在極意功」，而係最慣常嘅「超西1」狀態。


可以睇到，呢位悟空繼續著起我地見慣嘅道袍，不過平時寫住「悟」字Logo就換成聖日耳門嘅隊徽。

而喺悟空嘅打氣下，聖日耳門憑住麥巴比及卡雲尼各攻入1球，並且對手送出一球烏龍球下，以3：0大勝對手，繼續擴大喺聯賽嘅領先優勢，奪冠基本上已經沒有任何懸念。不過可惜嘅係，球隊核心尼馬卻不幸扭傷右腳踝，可以睇到佢非常痛楚，最終更要擔架將佢抬離場。