{ SKIP }
文:MenClub 波特先生  圖:互聯網
POSTED ON 27 Feb 2018

作為一支球隊嘅門將,最重要嘅就係把守最後一關,就好似林源三咁講:「只要門將失球,球隊就一定唔會輸。」所以門將呢個位置絕對係非常重要的。不過,近日一場德乙聯賽卻發生令人難以置信嘅一幕,而主角就係門將。

呢場比賽係杜伊斯堡vs恩高斯達特,其中杜伊斯堡先喺13分鐘打開紀錄,但5分鐘後對方卻迅速扳平,而原因正正係門將犯下難以原諒嘅錯。當時恩高斯達特利用大腳長傳嘅方法將球送至接近禁區的位置,而呢個時候杜伊斯堡嘅中堅安全起見及當機立斷將球頂番比門將Mark Flekken。誰不知鏡頭一轉,Flekken竟然背向球場,成個人企左入龍門入面,完全唔知背後發生緊咩事,隨即恩高斯達特前鋒Stefan Kutschke加一腳將個波踢入網,呢個時候Flekken先轉身,但一切都已經太遲。
睇番慢鏡,原來Flekken當時係走入龍門諗住飲水,但係就唔知對方已經大腳將個波斬向前進攻,最終被對方踢入空門。
雖然杜伊斯堡其後憑住十二碼再一次領先,兼且最終以2:1贏波,但係門將Flekken犯下嘅絕對係彌天大犯,作為門將喺比賽期間竟然背向球場,又唔知比賽已經繼續展開,作為領隊真係唔知仲比唔比機會佢好呢?
不過Flekken其實都只係24歲,作為門將經驗尚淺,今次對於佢黎講絕對會係一個難以忘記嘅經歷,希望因為呢次犯錯,可以令佢以後喺球場上會更加專注同小心啦!
如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025