松本零士誕生80年紀念《銀河鐵道999》再開新章

文：MenClub Mean娜　　圖：互聯網
POSTED ON 27 Feb 2018

後生一代未必知，《銀河鐵道999》其實係一部喺1977-1981年間於日本《週刊少年King》連載嘅經典漫畫，講述主角星野鐵郎受母親影響，希望搭上銀河鐵道999，到達可以獲得免費改造成機械身體權利嘅安達羅星雲，但佢母親卻被機械伯爵擄去使用後殺害，後來遇上謎樣女子，畀咗張車飛鐵郎，於是鐵郎搭上列車，展開旅程，途中經過宇宙中各種不同星球，發生各種事情。後來呢部漫畫更被改編為動畫以及劇場版動畫。

而最近有傳，呢部經典漫畫《銀河鐵道999》將再開新章，新章漫畫標題為《ドリームブラックホール》，故事會講述為咗探索銀河系內出現的「黑暗隧道」，星野鐵郎再度搭上999列車。而呢部新作漫畫將會收錄於松本零士誕生80年嘅紀念刊物《松本零士無限創造軌道︰80th Anniversaryクロニクル》中，售價2,500円，2月28日正式發售，粉絲唔好錯過！