「火箭」奧蘇利雲雖然已經42歲，理論上如果喺其他運動嘅話應該都已經係退休之齡，但如今嘅佢喺桌球界卻係神一般嘅存在，甚至可以形容佢嘅技術已經達到爐火純青嘅境界。而近日舉行嘅球員錦標賽，「火箭」就成功報番上年11月冠中冠賽決賽嘅一戰之仇，成功擊敗梅菲，奪得今季第5個排名賽冠軍。