【上位？】摩連奴兒子加入「紅魔鬼」教練團？

文：MenClub 波特先生　　圖：互聯網
POSTED ON 03 Apr 2018

日前，眼利嘅球迷可能會發現，喺曼聯2:0擊敗史雲斯嘅英超賽事入面，「紅魔」教練席有一位新面孔出現，佢就係領隊摩連奴嘅兒子Zuca。

Zuca作為摩帥嘅兒子，現年只有18歲，而佢同時係其父親曼聯教練團嘅一員。另外，當日喺摩帥旁邊亦都有一位大家非常熟悉嘅面孔，佢就係中場卡域克。較早前已經宣佈今季結束後將會退役嘅卡域克，將9成9加入「紅魔鬼」教練團，因此如今更多喺摩帥身邊學野。

其實早喺去年一個電視節目中，摩師就曾開玩笑咁講，自己嘅兒子未來將會取代其隊內嘅工作人員，如今睇黎已經成為事實。

摩帥表示，兒子Zuca喺球隊經歷左幾場表現不佳嘅比賽後，拎住一啲分析去比摩帥作為參考。然後摩帥就對佢班工作人員表示，呢個小伙子未來好大機會取代你地其中之一。

2016年，Zuca曾與富咸簽左為期兩年作為門將嘅合同，但合同最終喺去年3月喺雙方同意下取消。睇黎宜家嘅Zuca可能更傾向想成為同父親一樣嘅教練，如今佢18歲開始就己經累積當教練嘅經驗，未來嘅成就好有可能比父親更出色呢！