{ SKIP }
文:MenClub 波特先生  圖:互聯網
POSTED ON 04 Apr 2018

尋晚歐聯8強正式展開,其中率先出場嘅係皇馬vs祖雲達斯及拜仁vs西維爾,而其中前者當然更為受矚目,最終憑住C朗拿度個人梅開二度,再加上馬些路嘅入球,皇馬作客以3:0擊敗對手,殺入四強嘅機會可以話勁高!

而C朗尋晚攻入嘅兩球當中,更有一記足以載入足壇歷史嘅超級金球,而呢一球甚至可以成為C朗職業生涯至今為止最靚最靚嘅入球。
喺比賽下半場63分鐘,當時皇馬已經憑住C朗嘅入球1:0領先,而翼鋒華斯基斯先黎一記勁射,但被門將飛身撲出,其後右邊衛卡華積得球後,喺右邊禁區邊線位置成功傳中,雖然人前波後,但C朗並無放過機會,佢向後衝向皮球然後施展《足球小將》主角戴志偉嘅絕技 - 倒掛金勾,再次攻破祖記大門,而門將保方面對呢一球完全無反應。另外,主場嘅祖記球迷見到呢一球都企晒起身拍掌,就知呢一球有幾震撼啦!
呢個入球係C朗拿度生涯第一個名正言順嘅倒掛入球,作為領隊施丹見到後其後應亦難以置信,可想而知呢個入球究竟有幾靚!
而有數據顯示,C朗呢一球倒掛完全顯示其驚人嘅彈跳力及身體質素,因為佢倒掛射中波嘅位置,高度達到2.1米,比對方守衛足足高左22cm!
雖然C朗今季季初表現低迷,但進入賽季下半程,佢完全進入狀態,而喺歐聯就更加係遇神殺神、遇佛殺佛,狀態成功進入巔峰,要再一次帶領皇馬衛冕歐聯冠軍絕對唔係無可能嘅事!
如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025