終於公佈！《偽戀》真人版電影男女主角人選出爐

文：米　　圖：互聯網
POSTED ON 25 Apr 2018

前排先喺MenClub同大家講完《偽戀》真人版電影將會喺2018年12月推出，但選角方面，尚未透露，估唔到話咁快，官方就公佈《偽戀》真人版電影男女主角嘅人選，認真快手！由日本漫畫家古味直志所畫嘅校園漫畫《偽戀》係《週刊少年Jump》當中最長壽嘅戀愛喜劇作品，一共有成229話。故事講述日本黑道「集英組」第二代嘅高中生一條樂，雖然暗戀女同學小野寺小咲，但為咗阻止黑幫鬥爭，而同另一個黑幫大小姐桐崎千棘假裝成一對戀人。

但由於唔少人都好不滿《偽戀》嘅結局，所以真人版反而令大家充滿期待，希望可以有個新Ending平衡返粉絲心理。至於《偽戀》真人版電影男女主角，官方就話將會由中島健人以及中條彩未分別飾演一條樂同埋桐崎千棘，為咗更傳神演出桐崎千棘，到時中條彩未仲會將一頭亮麗黑髮染金，的確好令人期待。