{ SKIP }
文:MenClub 波特先生  圖:互聯網
POSTED ON 25 May 2018

欖球從來都係極具身體碰撞嘅運動,真係一個唔覺意就會被攬低。不過,日前一場比賽中,有一位球員就出現一個極度極險嘅動作,雖然對方無即時有嚴重受傷,但球證都覺得事態嚴重所以將佢紅牌驅逐離場。

當時名為Tevita Nabura嘅球員跳起接住一個由高而下嘅球,本來普通咁接住係完全無問題的,但佢竟然突然伸腳一腳踢落衝過來嘅對方球員面部上,從鏡頭中可以清楚睇到Nabura鞋底下嘅鞋釘,踢落去個下真係諗起都覺得恐佈!

不過奇蹟嘅事發生,該名被踢中嘅球員竟然好似一啲事都無,仲好落力咁攬住踢佢個一位Nabura,最終更成功將佢拉落地,實在令人難以置信。

照道理咁樣被釘鞋踢中,就算塊面唔爆缸都一定痛到訓喺地,但呢位球員竟然可以若無其事咁,個種體育精神實在有夠誇張!

而雖則呢位被踢嘅球員無咩事繼續比賽,但係球證見到呢個危險動作之後都主動吹停比賽,並經過慢鏡重播後,泱定將踢人嘅Nabura紅牌驅逐離場。

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025