《男兒當入樽》同《銀魂》喺唔少巴打心目中都係一代經典，咁如果將兩套經典作品Crossover，又會產生點嘅效果呢？最近日本網上就瘋傳一位名叫mon嘅網友喺「ニコニコ動画」上所分享嘅《男兒當入樽》畫風X《銀魂》人物插圖，結果大受歡迎到連日本媒體都係咁報導！

其實網友mon所畫嘅《男兒當入樽》畫風X《銀魂》人物 插圖——「銀魂を井上雄彦先生風に描いてみた」，早喺2008年9月11日經已上傳，估唔到到今時今日又會再度爆紅。mon用井上雄彥嘅畫風畫出《銀魂》眾多角色，例如坂田銀時、新八、神樂等等，巴打們又鍾唔鍾意呢款不一樣嘅《銀魂》呢？換咗畫風之後，你地又可以估中幾多人物呢？