作為波鞋迷嘅你，一定知道Air Jordan係最受歡迎嘅系列之一，而當中Air Jordan 11 Concord就更加係最具人氣添，因為呢個款正正就係「籃球之神」Michael Jordan當年著住黎帶領公牛奪得生涯第四個總冠軍嘅波鞋！

由於被認定係神作，Jordan Brand將於今年12月重新帶黎呢一款Air Jordan 11，而特別嘅係呢次回歸Air Jordan 11將配上45呢個數字，就係當年Jordan重返NBA時所著起嘅45號球衣號碼，令呢對波鞋變得更加具意義。

外型方面，今次2018 Retro版本與上一次2011年推出嘅版本基本上無好大分別，只係今次推出嘅45號版本黑色漆皮嘅面積增加左，而鞋底水晶膠顏色則偏藍，令呢對Air Jordan 11變得更加貼近當年Jordan著黎比賽嘅版本。

而目前暫定呢對Air Jordan 11 Concord嘅零售價為220美元，唔知你又會唔會爭住入手呢？