《五等分的花嫁》（日語：五等分の花嫁）係日本漫畫家春場蔥所作嘅少年漫畫，講述一名男高中生擔任五胞胎女高中生嘅家庭教師嘅愛情喜劇故事。故事以男主角長大後同五胞胎中嘅其中一位（具體未知）結成夫妻之時，再進行高中時代回憶嘅倒敘形式描寫。

《五等分的花嫁》起初係由講談社出版嘅雜誌《別冊少年Magazine》2017年8號以短篇形式刊載同名漫畫，不過由於呢套作品喺讀者投票間評價反應極高，大受好評，所以喺2017年36・37合併號開始正式連載。直到2018年8月為止，漫畫單行本已經累計銷售量突破70萬本。為慶祝《五等分的花嫁》連載一周年，官方正式宣佈會將《五等分的花嫁》改編為電視動畫，並預計2019年播放！

雖然之前單行本CM 30秒Version中，係由聲優佐倉綾音一人分飾五角，但今次官方未公開任何關於動畫化嘅消息，唔知到時配音同畫風又會如何呢？