日本國腳本田圭佑日前宣佈，將會走馬上任成為柬埔寨國家隊嘅教練，不過呢個決定唔代表佢要結束球員生涯，佢會繼續以職業足球員身份參加比賽，所以佢係會成為足球版嘅藤真健司(《男兒當入樽》翔陽主將)，亦即係會以球員兼教練嘅身份繼續喺足球壇活動。

OFFICIAL:

Congratulations to Melbourne Victory midfielder Keisuke Honda on being appointed as head coach & general manager of the Cambodia national team. He will coach them via online video, while playing for Melbourne Victory.

What are your thoughts on this?#ALeague pic.twitter.com/aM5I9jLTSD

— Daily Oz Football (@DailyOzFootball) 2018年8月12日

現年32歲嘅本田，今夏以年薪290萬澳元轉戰加入澳職球隊墨爾本勝利，相信佢有力成為球隊嘅中場核心。今年俄羅斯世界盃，本田雖然只被列被後備，但係佢基本上場場都有後備上陣，而且有著重大貢獻，最終日本隊成功突破小組賽打入16強，只係面對強大嘅比利時以2:3僅敗，總結今屆世界盃本田個人交出1入球1助攻，世界盃後呢位中場同時宣佈退出國家隊。

而今次本田成為柬埔寨國家隊教練，並唔代表佢開始想完結自己嘅球員生涯，相反佢將會更多側重喺墨爾本勝利身上，大部份時間佢都會同球隊一同訓練及比賽。當然，本田都會繼續盡自己作為柬埔寨國家隊教練嘅身份，佢會抽時間同柬埔寨教練團、足協等唔同團體以電話及視像會議開會，務求緊貼柬埔寨國家隊嘅情況，當然佢會給出非常多嘅意見，從而令旗下球員獲得提升。

不過有日本隊友就取笑本田，咁未來如果日本隊要對上柬埔寨，咁佢應該點好呢？佢會唔會蓄意射唔入呢？而本田亦都真係回應佢，並表示當然唔會啦！不過，其實本田已經退出國家隊，所以呢個假設已經唔會成立，未來喺球場上日本隊將會成為本田嘅敵人。

圭佑、自分が日本代表の選手としてカンボジア代表と対戦する時はどうする？
もちろん日本代表の味方だよな？笑
わざとシュート外したりしないよな？笑#本田圭佑#日本代表#カンボジア代表監督

— Yuto Nagatomo | 長友佑都 (@YutoNagatomo5) 2018年8月12日