{ SKIP }
文:MenClub 波特先生  圖:互聯網
POSTED ON 24 Aug 2018

雅加達亞運香港隊又傳黎好消息,就係女子游泳隊成功喺4x100混合接力游出4分03.15秒,為港再奪得一面銀牌!不過,其實港隊呢面銀牌可以話黎得相當驚險,因為其實佢地當初只係游出第4名嘅成績!

今場女子4x100混合接力,香港隊喺決賽派出鄭莉梅、歐鎧淳、楊珍美及陳健樂出戰,雖然有力一爭獎牌,但面對日本、中國及韓國三大國,要拎牌並唔容易,隨時會出現只係拎到「梗頸四」嘅情況。

而結果日本隊以壓倒性奪得第一名,其後中國隊及韓國隊分別以第2名及第3名觸池完成,香港隊則只係以第4名完成。不過,奇蹟一刻好快出現,大會宣佈中國隊及韓國隊分別犯規,所以雙雙被判DQ,因此原本第4嘅香港隊即時升至第二名,銀牌就咁到手!另外,本來第5名嘅新加坡則升至第三,因而獲得一面銅牌。

得知由無牌變成銀牌,4名選手都覺得難以置信,其後更開心到喊,而一眾游泳隊成員亦都非常高興,不斷歡呼慶祝。相反,中國及韓國嘅選手則一臉無奈,並難以接受呢個結果。

今次港隊能夠喺亞運接力奪銀,絕對係得來不易,所以一眾隊員,以至香港市民都非常高興,並會為此感到驕傲。

由Scarlett Johansson主演嘅《侏羅紀世界:重生(Jurassic World: Rebirth)》上周於全球各地陸續上映。雖然已經係「侏羅紀」系列第7部作品,但號召力依然強勁,首周全球票房已經衝破3.18億美元!Scarlett Johansson ...
hobby
【影視】《侏羅紀世界:重生》開畫全球勁收3.18億美元!Scarlett Johansson榮登影史最高票房演員
08 Jul 2025
Netflix人氣劇集《今際之國的有栖》第3季,今日一口氣公開前導預告、劇情大綱及演員陣容,除咗山崎賢人、土屋太鳳、三吉彩花等原班人馬回歸,今次仲加入咗唔少新面孔,預計今年9月25日正式播出。 iframe width="5 ...
hobby
【影視】《今際之國的有栖》第3季正式前導預告出爐!有栖為救宇佐木重返「今際之國」
08 Jul 2025