搞笑漫畫《銀魂》不知不覺間喺《週刊少年JUMP》已經連載咗13個年頭，早前仲正式進入完結篇，雖然大家都有晒心理準備會好快冇得再追睇《銀魂》，但估唔到呢個事實咁快到來！《銀魂》終於喺《週刊少年JUMP》上宣佈，將於2018年9月15日發售嘅第42號《週刊少年JUMP》裡面，迎來最終大結局！即係話得返5話左右，真係好唔捨得！

由空知英秋所創作嘅漫畫《銀魂》由2003年12月8日開始喺《週刊少年Jump》上連載，連載咗差唔多15年，憑住佢獨特嘅幽默風格，人氣一直高企。喺2016年7月宣布進入完結篇嘅時候，《銀魂》仲喺東京秋葉原UDX AKIBA_SQUARE搞咗個「大銀魂展」（銀魂展～ツケが回る前にケツを拭け～），十足告別禮咁……估唔到話咁快，大家真係要正式面對《銀魂》最終大結局，粉絲們唯有睇住《銀魂》動畫同埋真人版，去慢慢過度呢段冇得再睇《銀魂》連載嘅日子啦……