《地獄少女》係由永遠幸作畫、於講談社少女漫畫月刊《Nakayoshi（なかよし）》上連載嘅漫畫作品，後來改編成為動畫，由日本動畫公司Studio Deen製作，大森貴弘執導，並於2005年10月4日播出，全26集。《地獄少女》嘅故事係講述喺午夜零時，心懷怨恨嘅人可以進入叫作「地獄通信」嘅網頁。只要喺網頁上打上怨恨之人嘅名字，被稱為「地獄少女」嘅閻魔愛就會顯現於心懷怨恨者嘅身後。與其交談後就會畀對方一個頸部繫有紅線嘅稻草人，並說明締約方式同埋後果：只要解開紅線，契約就會成立，地獄少女會將對方所怨恨者流放到「地獄」。但係，對方解除怨恨後，亦要付出代價。因為「害人終害己」，對方既然決定將受詛人流放到地獄，自己死後都要面對喺地獄裏面徘徊而無法去極樂世界嘅悲哀。

其實早喺2006年11月4日，日本電視台已經播出《地獄少女》真人改編電視劇，全12集，不過最近有傳《地獄少女》將改編成真人版電影，並於2019年上映，到時將由《貞子vs伽椰子》導演「白石晃士」執鏡，選角方面，似乎官方都已經有所決定，由玉城蒂娜擔當主角，飾演閻魔愛一角。

一齊睇埋其他出演演員啦！