8金18銀20銅係今屆雅加達亞運會香港隊嘅總獎牌數，其中8面金牌平左2010年廣州亞運紀錄，而18面銀牌則係香港亞運歷史最佳紀錄，正因為銀牌數嘅增加，令今屆亞運成為香港隊有史以黎表現最好嘅一屆。

而今屆亞運會完結，亦代表住亞洲殘疾人運動會(簡稱亞殘運)即將展開。今屆印尼亞殘運將會於10月6日開始，屆時香港將會派出175人代表團出戰，而其中參賽嘅共有103名選手，佢地將分別參與10個唔同嘅項目。

同樣係香港嘅運動員，殘疾運動員往往受到嘅關注卻比正常運動員少得多，而事實上佢地都係我地香港人嘅英雄，佢地嘅經歷及訓練你又有無諗過可能係更加困難及有苦自己知呢？

而為左令大家對香港殘疾運動員有更多嘅認識，香港殘奧會特別搵黎著名運動攝影大師程詩詠(Brian)以相片拍攝左一輯殘疾運動員嘅故事 － 「英雄問出處」，希望市民可以了解一下我地香港殘疾運動員嘅成長故事。

「英雄問出處」殘疾運動員運動攝影展

地點：鑽石山荷里活廣場3樓

日期：即日至10月13日

時間：10 am – 10 pm

影片來源：香港殘疾人奧委會暨傷殘人士體育協會及荷里活廣場