早前大家都講緊超爆笑《聖☆哥傳》真人版日劇終於預定今年秋天開播，成個Facebook都被《聖☆哥傳》真人版日劇嘅宣傳海報洗晒版，可見呢作品原先有幾大吸引力，令到佢出真人版可以造成極大迴響！《聖☆哥傳》（日語：聖☆おにいさん）係日本漫畫家中村光嘅作品，講述佛教同基督教嘅創始者「佛祖」同「耶穌」，一齊到人間度假，仲喺東京合租公寓快快樂樂過生活嘅搞笑故事，由於劇情真係太有趣，所以好多人都超鍾意呢套動漫！

而之前雖然已經出晒宣傳海報、宣傳短片畀大家過下癮，不過最重要嘅播出日期一直遲遲未公布，finally！官方終於出聲confirm，話嚟緊10月18日就會於Piccoma TV正式播出《聖☆哥傳》真人版日劇，一共10集，粉絲記住收睇！