{ SKIP }
文:MenClub 摯樂  圖:互聯網
POSTED ON 12 Oct 2018
【影音討論】配合音響器材發揮的傢俬

我們玩音響一般都在自己的客廳玩,偶爾也有朋友在房中玩,不過理論都一樣,有些家具是玩音響最好的朋友,因此當你去拜訪多年經驗的發燒前輩時,不難發覺前輩們音響的聆聽空間常有某些家具。我講的不是甚麼特別的影音器材,是真正普通我們在傢俬鋪買到的家具。放在聆聽環境中原來對聲音有幫助。無錯音響是講究空間的藝術,空間當中不同的物品對聲音都有改變和影響,有些家具適宜擺出來有些則最好避免。

首先,梳化可能是每個家庭都有的家具,原來梳化是對影音有深厚影響的物品。聆聽的空間,放一張梳化來座應該是百利而無一害的事。當然最好是選擇布梳化為佳,皮梳化就次之,最好唔要用太硬的中式木椅。因為梳化可以成為一個好的吸音的利器!即你可以當佢是一個低頻陷阱咁用!!何謂低頻陷阱,指的是一些用作吸收低頻駐波東西,作用是解決過多的低頻駐波,而低頻問題可能是玩音響其中一個最難解決的難題。軟梳化的構造同低頻陷阱差唔多,表面是布料和皮料,裡面通常塞有海棉或纖維物料等等。不過如果真係需要用低頻陷阱最好當然是量度清楚頻段專門處理啦。

在梳發前面好多人會擺放一個茶几,個人認為可免則免,因為咁會影響聲音的反射,尤其千萬唔好放玻璃的茶几,或者可以講任何大型玻璃的家具都唔好放在影音的聆聽範圍內,因為當聲壓大時玻璃會震到你驚。

除左梳化之外,另一樣音響的朋友是櫃子,即咩櫃物櫃,一般就是書櫃CD櫃黑膠櫃等等,如果你的櫃入面有放CD 書 黑膠就更好,除了美觀同有文化,佢地有實際的作用,櫃本身的重量加上裝的東面形成吸音體,可以幫助吸收低頻和中低頻。當然櫃要開放式唔好有門更千萬不要有玻璃門。

你還可以依據你家聲音的情況做小調整,例如低頻覺得唔夠覺得被吸過多就搬走一些書或CD,反之過多就放多d甚至放滿。如果事前可以選擇櫃的外觀最好凹凸型,因這樣對改變聲音頻率有利,降低駐波好用。

另一樣玩音響一定要有的是地毯,愈厚愈好。香港潮濕加上地毯難打理,一般的家中話事人即你老婆應唔係太鐘意,但地毯真係有用。無地毯聲音就直接在地板反射,而反射聲太多會影響樂器定位,聲就會混沌。地毯作用就是吸收第一反射聲。選擇地毯愈厚愈好,羊毛最好,所以你見到很多玩音響的家居有鋪塊地毯在前的。

 

音響其實就好多玩法,而聆聽的環境就是對聲音最大的影響,充滿家具的聆聽環境有時比咩都無的方形試音室更易好聲。

大阪環球影城亦都公布咗2019年1月10日之後嘅價格調整,如果出年想去USJ嘅話,可以而家就睇定啲期同價錢先。
hobby
USJ門票又加價?!一齊睇睇未來價格調整表
18 Oct 2018
相信好多高達迷都好期待U.C. 系列嘅新作《機動戰士高達 NT》(以下稱作《NT》)。喺今日,官方終於發放新一輯嘅Trailer 滿足一下Fans 們,同時亦發放預購Mobi-Tick(ムビチケ)嘅特典,Fans 們絕對不容錯過。 Mobi-Tick( ...
hobby
高達新作,特典都有Cross Over
18 Oct 2018