{ SKIP }
文:MenClub 波特先生  圖:MenClub
POSTED ON 24 Oct 2018

10月24-25日,澳門有史以黎最級頂嘅桌球賽「澳門大師賽」一連兩日喺澳門銀河JW萬豪酒店舉行,而比賽開始前一天,大會舉行左一個別開生面嘅球員見面會,比一班桌球Fans有機會近距離見到及與一班大師級球手切礎球技!

今次「澳門大師賽」一共有8名頂級球手參加,其中包括奪得今年世錦賽冠軍綽號「金左手」嘅「75三傑」之一的Mark Williams、香港首席桌球手「神奇小子」傅家俊、鶴健士(Barry Hawkins)、Ryan Day、Joe Perry及三位中國球手周躍龍、趙心童以及張安達。

而喺正式比賽舉行前一天,大會在上午時間安排左一個球迷見面會,比一班桌球迷與大師們接觸,甚至同台打球及玩遊戲,真係可以話「有今生無來世」架!唔單只咁,有份參與遊戲嘅球迷更獲得大師們頒發紀念品添!

之後8位大師接受訪問,其中目前世界排名第2位嘅Mark Williams被問到會否想第三次重返世界第一,呢位傳奇球手表示,佢對重返世界第一無特別興趣,因為對於佢黎講成為世界第一無特別嘅意義。

而Marco傅家俊則被問到有關眼睛情況會否考慮退役,呢位目前排名世界第17位嘅香港球手表示:「眼睛其實已經好好多,但目前表示並唔太好,而退役一事則暫時未有考慮。」

答問環節過後,大師們坐定定為球迷們逐一簽名,8個大師人人有份,永不落空,包保唔會空手而回!

而到了下午,「澳門大師賽」舉行記者會,其中大會安排Mark Williams及Marco傅家俊一齊舉行開球禮。

其後,大會又安排左兩名剛剛接觸桌球不久嘅小孩球手接受大師們嘅指導,只見佢地都有板有眼,絕對有潛力成為未來嘅頂級高手。

而黎到正式比賽嘅第一天,8位球手分成兩隊進行5局3勝嘅團體賽,以雙打、單打方式梅花間竹進行,其中第一場由Joe Perry & 張安達  vs 周躍龍 & 趙心童。

第二場則由「金左手」Mark Williams夥拍張安達 vs Hawkins & 趙心童。

第三場比賽終於等到我地香嘅代表Marco上陣,佢嘅拍檔係張安達,其對手則係Ryan Day & 趙心童。而Marco狀態非常出色,Pot波Pot得勁準,雖然最終佢單打不敵中國球手,但其眼睛問題睇落已經完全唔受影響,希望未來佢仍然可以有更長時間保持係頂尖水平啦!

想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025
由Ben Stiller主演嘅冒險喜劇《翻生侏羅館(Night at the Museum)》系列,距離第三集、亦即係最後一集已經有11年歷史。最近有消息指,呢個人氣系列正在籌備重啟,同樣以博物館為背景,但會講述一個全新故事。 ...
hobby
【影視】消息指《翻生侏羅館》正在籌備重啟 但Ben Stiller或不會回歸
10 Jul 2025