《進擊之巨人》，一度熱話嘅名字。相信動漫各位都追緊，而電影喺日本方面亦製作咗真人版嘅電影，雖然未算到崩壞，但人氣票房等都去到無眼睇嘅程度，依家確認，《進擊之巨人》要進擊入荷里活啦！以往經驗，由老外拍嘅日本動漫都有崩壞式結果，但哩套嘅風格同背景都好適合荷里活拍攝方式，希望可以有魔戒哩種風格喺入面。

導演以恐怖片見稱嘅「安迪馬希提」擔任，《屍人保姆》、《小丑回魂》正正係出自佢手筆，並由《哈利波特》系列電影的「盛日影業」(Heyday Films Ltd.) 負責製片，「華納兄弟」發行。

諫山san 同電影陣容的完整感想將喺《別冊少年Magazine》12月號上公開，期待更多消息公布！

《進擊的巨人》

第一集喺2013年推出。

《進擊的巨人2》

而第二集喺2015年推出。

希望今次荷里活一反以往，可以拍返一套似樣嘅日本動漫改編真人電影啦！