今日較早時間，由法國雜誌《法國足球》舉辦嘅頒獎典禮正式公佈金球獎及其他獎項嘅得主，其中金球獎由大熱皇馬克羅地亞中場摩迪(Luka Modric)奪得，而C朗拿度僅排名第二。

過去十年，金球獎都係由C朗及美斯平分春色各奪得5次，而今年摩迪憑住喺皇馬奪得歐聯冠軍及帶領克羅地亞奪得世界盃亞軍，成功打破「美C」二人嘅壟斷，以753分奪得金球獎，寫下足球界嘅歷史！

33歲嘅摩迪今年除左奪得金球獎之外，較早前已經分別奪得歐洲足球先生及世界足球先生，所以加埋金球獎，佢正式成為三料最佳足球員。

而排名第二至第五位嘅球員分別係：C朗拿度、基沙文、麥巴比及美斯。